http://blogg.visir.is/sonjasif/

Síja, Sonja

Loksins loksin er komin föstudagur og ég er búin með kynninguna mína og það gekk bara vel, var nú óþarflega stressuð!! Fékk góðar spurningar í lokin sem settu punktinn yfir i-ið Nanna var með sína kynningu í gær og gekk mjög vel, ekki við öðru að búast! Nú erum við svo afslappaðar og ætlum að njóta lífsins í botn áður en við höldum heim á mánudagsmorgun! Ætlunin var að sóla sig aðeins núna en nei nei sólin ákvað bara að fela sig bak við ský í dag...þannig að við veðum bara extra duglegar og hlustum og hlustum á fróðlega fyrirlestra það sem eftir lifir dags. Við erum svo búnar að bjóða Tóta, Kristu og Eddu út að borða í kvöld og svo er ætlunin að fara í strandpartý nr. 2 og skemmta okkur eins og sannir Íslendingar!

 

Yfir og út, Jóhannsdóttir

Þá er best að senda smá uppdate frá sér þar sem ég hef ekki látið í mér heyra í langan tíma... Landsmótið var frábært, fullt af góðum hestum, frábæru fólki og geggjuðu veðri! Ég var að vinna þarna við að lyfjaprófa bæði menn og hesta, létt og löðumannlegt verk þannig að þetta var bara mjög gaman. Naut þeirra forréttinda að gista í einhverju veiðimannahúsi við Rangá sem var bara snilld, geggjað að geta farið beint í sturtuna Helgin var sem sagt alveg frábært (fyrir utan alla biðina í bílnum á leiðinni heim á sunnudeginum!!!!!)

Eftir skemmtilega helgi náði ég að sofa í einhverja 3 tíma áður en ég brunaði til KEF þar sem ég, Nanna, Tóti, Krista og Edda hófum ferðalagið til Portúgal. Ég er búin að ná að sóla mig smá, fara hamförum í búðum og sötra ógrynni af hvítvíni  Dvölin er annars búin að vera fín, við erum búin að hlusta á Geir Ólafs Portúgals, vera í taxa sem keyrði á 170 km hraða og OMG hélt að það væri mitt síðasta. Nanna sat stjörf í bílnum en ég hló móðursýkishlátri.... Annars er ég og Nanna eins og þveröfugir elskendur, erum saman í herbergi, deilum sama rúminu (max 140 á breidd) með eitt lak (sem sæng) þannig að við erum búnar að vera ansi nánar og líkar okkur það bara vel!!! Nú er fimmtudagsmorgun og ráðstefnan er að taka öll völd, Nanna er með sýna kynningu í dag en ég á morgun...sem samt allt að gerast 

 

Vona að þið hafið það gott þarna heima....LUV, Sonja

þá er komið að því...síðasti dagur júnímánaðar að renna upp! Ótrúlegt hvað þetta hefur liðið hratt og eiginlega verið ótrúlega skemmtilegur mánuður sem ég og krakkarnir höfum átt saman. Síðustu daga höfum við gert ýmislegt s.s. sundferðir, ísferðir, gönguferðir, sameiginleg grill, útilega í mýflugumynd, tónleikar í Laugardalnum og svo má ekki gleyma mjög svo skemmtilegu afmæli hjá henni Elmu Hlín í dag  Ég er búin að njóta þess á kvöldin þegar krakkarnir eru sofnuð að lesa bækur og horfa á myndir...án þess að vera með samviskubit yfir því að vera ekki að læra!! Snilldin ein...horfði á eina mynd um daginn sem ég mæli með, þetta er svona mynd sem allir hafa gott af því að horfa á fyrir utan hvað tónlistin er ótrúlega góð í henni. Mæli með henni, þetta er myndin INTO THE WILD.
Á morgun fara hins vegar krakkarnir norður og verða hjá pabba sínum í júlí...úfff eins gott að ég hafi nóg fyrir stafni í á meðan, finnst svo erfitt þegar þau eru svona lengi í burtu 
Ég sé samt fram á að hafa nóg að gera...allavega til að byrja með. Er á leið á Landsmót í næstu viku og yfir helgina og svo er bara Portúgal eftir viku (Nanna, jeeeee það er bara vika), búinn með pósterinn minn og á bara eftir að skrifa niður kynninguna mína og æfa mig að flytja hana svo þetta verði nú skiljanlegt hjá mér
Eftir miðjan júlí er svo óplanað en það er ótrúlega margt sem mig langar til að gera...bara spurning um að framkvæma eitthvað af því!!!
Annars er ég alveg syngjandi glöð því Spánverjar urðu Evrópumeistarar aðallega ánægð þó að það voru ekki Þjóðverjar!!!
 Á morgun næ ég svo í ritgerðina úr prentun...þá er bara að koma 300 eintökum út...þar sem ég veit að þetta er svo ótrúlega spennandi aflestrar bið ég ykkur að hemja ykkur...það fá allir eintök sem vilja!!!! 

Jæja freyðibaðið bíður...trall la la la laaaaaaaaaaaa
SSJ

Þetta er náttúrlega alveg dásamlegt að vera svona í fríi...já mamma var hér hjá okkur í 5 daga og við höfðum það virkilega gott á meðan hún stoppaði hjá okkur. Til að gulltryggja að við mundum einhverntímann losna við hana ákvað ég að best væri bara að skutla henni heim þannig að ég og krakkarnir pökkuðum í bílinn ásamt múttu og brunuðum í fjörðinn fagra. Manni var nú samt ekki alveg sama að vera að bruna þarna norður á hættulegar ísbjarnaslóðir...
Þetta byrjaði nú ekki vel þarna fyrir norðan því þegar ég var nú komin norður var ég RÆND, jabbbb þurfti að fara augnablik til tannlæknis til að láta laga tönn sem ég hafði brotið uppúr og kom´on þetta var náttúrlega ekkert annað en rán!
Dvölin á Hofsósi var góð eins og venjulega, hins vegar var þetta óvanalegt að því leyti að venjulega stoppa ég ekki svona lengi í einu og oftast er ég með eitthvað ákveðið planað sem þarf að gera en í þetta sinn var nægur tími og ekkert planað...farið var á hestbak, farið í sund á Hólum, gönguferðir, spilaður fólbolti við Örvar í margar mínútur, ísferðir, farið í fjöruferð, stuðlabergið skoðað hátt og látt, kíkt í heimsókn til Ingerar, farið í Jónsmessugöngu, farið á jónsmessukvöldvöku, gerð tilraun til að keppa á hesti í smalakeppni , var keypt úr einu fótboltaliði í annað, er löggiltur Bjarnastaðatuddi og keppti í fótbolta með þeim (var eini kvenmaðurinn og var að vona að ég fengi sérmeðferð...en ónei var þokkalega tækluð í spað!!!!), setti saman eitt stykki grill með múttu og síðan var grillað almennilegt kindakét, unnið af sér samfélagsþjónustu í fyrrinótt o.mfl. Sem sagt afskaplega góðir dagar á Hofsósi, eina sem virkilega skyggði á þessa daga var það að Portúgalir duttu út úr EM og einnig Hollendingar sem ég treysti á að mundu vinna þessa keppni ef Portúgalirnir færu út! Með hverjum á ég þá að halda, Rússum (nei, tæplega), Tyrkjum (nei, af og frá), Þjóðverjum (helst ekki)  eða Spánverjum (hugsanlega, þar sem þeir eru grannríki Portúgals!)....

Vona að þið séuð að njóta lífsins í botn....

Yfir og út, Jóhannsdóttir

p.s. Setti inn örfáar myndir frá deginum mikla undir albúminu 14.06.2008

með afmælið elsku litla syss Ótrúlegt að litla syss sé orðin 21. árs miðað við það að ég hef lítið sem ekkert elst undanfarin ár!!!! Hlakka til að eyða kvöldinu með þér :-)

SSJ

Á föstudaginn var haldið uppá afmælið hennar Selmu, ótrúlegt að snúllan sé orðin 4. ára. Fullt af skemmtilegu fólki, góðgæti og góðu veðri var á boðstólnum Takk fyrir komuna og barnið! (setti inn myndir undir 13. júní 2008 )
Á laugardagsmorgun var svo komið að langþráðri útskrift, þetta tókst og mér líkar bara vel að vera kallaður MEISTARI!!! Fékk yndislegar gjafir og blóm í tonnavís...Takk enn og aftur fyrir góðar gjafir
Eftir útskrift brunaði ég út á flugvöll og rétt náði flugi norður, var á leið í brúðkaup hjá Agli og Erlu. Brúðkaupið var yndislegt, athöfnin fór fram í Lystigarðinum í glaða sólskyni. Hápunktur athfnarinnar var þegar mjög rómantískt stund var eyðilögð með símhringingu í vasa brúðgumans, bara snilld ha ha ha úffff hvað hann á eftir að heyra þetta!!! Veislan var ekki síðri, fullt af skemmtiatriðum hverju öðru skemmtilegra, góðum mat og frábærum félagsskap. Ég hélt ræðu fyrir hönd ,,KLÚBBSINS,,  ásamt því að við vorum með myndasýningu og sýndum svo video frá gæsun...Síðan var stiginn dans fram á nótt og þegar líða tók á nóttina færðum við okkur niður á Vélsmiðju og rokkuðum feitt með Von fram undir morgun! Ég var búin að bíða mjög lengi eftir þessum degi og hann stóðst alveg væntingar
Ég tók fullt fullt af myndum en því miður datt myndavélin í gólfið og er ónýt...ég ætti samt að geta náð myndunum út fljótlega og þá set ég eitthvað hérna inn fyrir ykkir til að snuðra í

Yfir og út, Sonja Sif

p.s. Nú verðið þið að fylgjast extra vel með auglýsingunum í sjónvarpinu...muha ha ha ha

...Finnst ykkur eitthvað skrítið að maður sleppi ekki úr leik? ÁFRAM PORTÚGAL

Elska svo innilega þetta íslenska sumar, vildi óska að það væri bara hægt að stóla á fleiri svona daga, sól og +18 ummmm ekki amalegt! Dagurinn byrjaði á því að við sváfum úf síðan drifu börnin sig út í góða veðrið meðan mamman gerði ekkert af viti, eftir það var drifið sig í sund. Þar var flatmagað í nokkra tíma og eftir það var drifið síg í íkí-saumabarnaklúbb í garðinn hjá Melkorku! Trampólín, ís, góðaskapið og skemmtilegur félagsskapur var það sem stóð uppúr þeirri heimsókn (myndir undur maí 200. Eftir þennan góða dag var okkur svo boðið í kjúlla til Kristjönu og co. Æðislegt, takk fyrir mig og mína. Ekki amalegt að þurfa ekki einu sinni að elda eftir svona dag. Nú er klukkan hins vegar að ganga tíu og ég verð að fara að draga ungana inn...þau eru búin að vera úti stanslaust í 13 tíma að leika eitthvað!!!
Svo má ekki gleyma að Portúgal vann Tékkland 3-1, Örvar frekar sáttur enda Portúgal hans lið
Mikil tilhlökkun er á heimilinu enda amma Elsa að koma í 5 daga heimsókn...bara gaman!

Yfir og út, Jóhannsdóttir

mættur! Já það er kominn júní og það meira að segja 10!! Hvað er málið?? T'iminn flýgur áfram og ég er alveg að detta út úr þessu bloggi!!!
Ég og krakkarnir erum búin að hafa það ótrúlega gott það sem af er...þau eru mjög sátt við sig hér í Kópavoginum, eru úti að leika allan daginn við krakka skarann hér í kring. Leikirnir fallin spýta og ein króna voru rifjaðir upp og eru núna í miklu uppáhaldi. Örvar byrjaður að æfa fótbolta með Breiðablik þannig að nú er grænn og hvítur uppáhalds litirnir
Stákarir á Guðmundi í Nesi (Kristjáns áhöfn) hóuðu mig til sín og gáfu mér ótrúlega fallega gjöf sem þakklætisvott fyrir kynnin á síðasta ári...vááá ég var ekkert smá glöð! Fékk kökk í hálsinn þegar Björgvin sagði örfá orð og gaf mér þessa gjöf Þessi drengir eru náttúrulega yndislegir...
Selma og Örvar fóru með mér niður í skip til að skoða Guðmund í Nesi. Selmu fannst þetta æði, riggaði um allt skip og þurfti að fá að vita allt um allt. Örvar hins vegar var búinn að vera ca. 5 mín um borð þegar hann gubbaði....ha ha ha litla greyið en sorry þetta var pínu fyndið! Ekki mikið um sjómannsgen þar á ferð!
Krakkarnir fengu að koma með mér niður í Sagafilm og sjá treiler úr auglýsingunni sem ég var að leika í og þeim fannst þetta rosa sport! Örvar var samt ekki alveg sáttur að ég ætti einhvern strák sem héti Sigfús í auglýsingunni...mamma, þú átt bara mig, Örvar...hvaða rugl var þetta með þennan Sigfús!? ha ha ha svoooo mikð krútt....
Síðasta laugardag var TM-dagurinn! Í einu orði var þetta algjör snilld. Þarf heila færslu til að segja frá þessu...en allavega var þetta vel heppnað og ég er svo glöð að hafa drifið mig. Gott að vera búin að hitta allt liðið á einu bretti...
Á föstudaginn eru komin fjögur ár frá því Selma Hrönn fæddist...ótrúlegt!
Á laugardaginn er ég LOKSINS að útskrifast sem MEISTARI í íþrótta- og heilsufræðum
Á laugardaginn er ég líka að fara í brúðkaup á Akureyri....HLAKKA MIKIÐ TIL!
Langaði ótrúlega að vera á WHITESNAKE tónleikum í kvöld og rifja upp kvöldið góða frá 1990! En það bíður betri tíma..

    ...sem sagt nóg að gera eins og svo oft áður...

LUV, SSJ
p.s. Setti inn nokkrar myndir í albúmið maí 2008...bæti svo inn í það fljótlega...

..ekki satt? En sorrý þið sem eruð dyggir lesendur og hafið verið að senda mér skilaboð um að ég hafi ekki bloggað í hálfan mánuð...nú sest ég niður fyrir ykkur! Ekkert svosum að frétta, hins vegar mun ég stykla á stóru frá því ég skrifaði eitthvað hér inn síðast:
-Fór upp á Laugarvatn og lagðist yfir tölfræði með Bjössa Arngríms fyrir þessa bévítans vísindagrein sem ég á að skila af mér á næstunni
-Var með erindi á Málstofu niður á ÍSÍ, ýmislegt áhugavert sem kom þar fram...
-Hélt útskriftar-, innflutnings- og júróvisionpartý! Snilld, á frábæra vini sem gerðu kvöldið ógleymanlegt! Enduðum (allavega þessir eiturhressu) á NASA og dönsuðum þangað til að það sást á okkur! Takk fyrir frábært kvöld og allar fallegu gjafirnar
-Byrjuð að vinna smá í TM, erum búin að fara á Neskaupstað, Eskifjörð, Ólafsfjörð, Dalvík, Akureyri og Vestmannaeyjar og hitta stjórnendur útgerða og fræða þá um verkefnið mitt. Allir svo áhugasamir, hlakka svoooo til að hella mér út í þetta. Spennandi.
-Fór í þyrluflug...FrÁbÆrT
-Jarðskjálfti sem fór algjörlega fram hjá mér...alveg þangað til ég heyrði fréttirnar!
-Fór á Akureyri. Óvæntur hittingur hjá mömmuklúbbnum. Nýr klúbbmeðlimur tekinn inn. Tónleikar með Hvanndalsbræðrum. Snilld. Stuð. OG enn meira STUÐ... Knúsumst um stund var þema kvöldsins og setningin var ,hlauptu stelpa á meðan þú getur...hlauuuuuptu (set inn myndir fljótlega girls!)
-Vorhátíð hjá Örvari og Selmu. Ótrúlegt hvað hægt er að vera stoltur af börnunum sínum. Fannst hjartað vera að springa.
-Örvar og Selma flutt í Kópavog.
-Yndislegt að vera búin að fá þau. Nú sé ég fram á að einmannalegustu vikur lífs míns séu liðnar.
-Erum búin að eiga góða daga síðan þau komu. Sunnudagurinn var ,handboltadagurinn mikli,, fórum í Laugardalshöllina og sáum Ísland-Rúmenía í kvennaboltanum og síðan var brunað heim til að sjá Ísland taka Svíðþjóð í bakaríð  Endalaus gleði . Peking er málið.
-Boðin í grill til Elínar Grétu og co. Er farin að safna mér fyrir grilli...
-Vera hress og kát því lífið er yndislegt!!!

Mikið framundan:
-TM dagurinn
-4 ára afmæli
-Útskrift
-Brúðkaup
...je je je svo gaman!!!!

LUV, Sonja sem er syngjandi kát

...þið ykkar sem sjáið óskiljanleg tákn verðið að ýta á ,,...hafa sagt sína skoðun,, sem er eftir hverri færslu. Þegar þið hafið ýtt á það þá koma íslenskir stafir á allt bloggið þannig að þið ættuð að gera lesið það og skoðað myndir án þess að vera snillingar í óskiljanlegum táknum...

SSJ

Bloggandi blogg! Ég hef bara ekki haft tíma til að blogga neitt undanfarið því það hefur bara verið brjálað að gera á öllum vígstöðum og því mun ég hafa ,,punktablogg,, að þessu sinni svona rétt til að impra á því sem á daga mína hefur drifið undanfarið

Fimmtudagur:
-Var í auglýsingatökum allan daginn sem var mjög skemmtilegt enda frábært fólk þarna á ferð.
-Saumaklúbbur hjá mér þar sem við stelpurnar úr ML (árgangur 1995) komum saman og rifjuðum upp gamla og nýja tíma s.s. sunnó, stallionfundi, hvíttaðar stjörnur, kameltá, brjóstatíðindi og margt margt fleira. Ein vinkona mín var líka frekar miður sín að hafa drepið fugl og drukkið ösku á sama sólarhringnum!!! Ha ha ha mjög svo skemmtilegt kvöld

Föstudagur/Laugardagur
-Fundur í Ráðherrabústaðnum með Heilbrigðisráðherra og fleirum...aha maður verður að láta til sín taka...
-Gæsun hefst: Gæs numin á brott á flugvellinum, Spútnik, pizzugerð, Hallgrímskirkja, Magadans, át og kjaftagangur heima hjá mér fram á rauða nótt, vaknað og etið og síðan var ferðinni heitið í 7 tíma SVETT (þar sem var algjörlega stigið út fyrir þægindarammann)...Í heildina var þetta algjör snilld Takk fyrir skemmtilega daga stelpur...
-Var svo búin á því eftir svettið að ég svaf samtals í 14 tíma...hvenær hefur það gerst áður að ég sofi svona mikið????

Sunnudagur:
-Heilagur hvíldardagur
-Heimsókn til Rebekku frænku og við fórum í gegnum gamlar myndir
-Fínpússun fyrir prentun og vísindagreinarskrif...

Helling framundan í næstu viku...skil ekki hvernig mér tekst alltaf að hafa (of) mikið að gera...

LUV, Sonja sem er alveg ótrúlega slök eftir svettið 

p.s. Setti inn myndir undir ,,Gæsun o.fl.,,

Þá er þetta búið! Yndisleg tilfinning! Þessi dagurinn er búinn að vera hálfgerð rússíbanareið, ég var svo stressuð í morgun og fram að vörn að ég hef bara ekki upplifað þetta í mörg mörg ár...endaði á þvi að ég gubbaði Jabbb og þegar ég labbaði inn í herbergið þar sem vörnin fór fram þá hélt ég að það mundi bara líða yfir mig...skrítið! En svo settist ég niður og vörnin byrjaði og einhvern veginn þegar ég byrjaði að tala þá allt í einu hvarf þessi tilfinning og ég varð örugg og leið bara vel allan tímann sem vörnin fór fram Furðulegt.
Vörnin gekk mjög vel í alla staði, var allt öðruvísi en ég bjóst við en ég fékk mikið lof fyrir verkið þannig að ég er bara mjög ánægð og stolt.
Erlingur og Anna Sigga (kennararnir mínir) buðu mér og Gumma (Forstjóra Brims), Gunný (vinnur hjá Brim) og Kristjáni (skipstjóra Brims) út að borða á Þrem Frökkum til að samgleðjast með okkur yfir þessum áfanga, við höfðum hins vegar rúman tíma þannig að Anna fór heim til að gefa (er gangandi mjólkurbú) en ég og Erlingur vorum að spá að fá okkur hvítvínsglas á meðan við biðum eftir hinum eða færum niður í Laugar og tækjum æfingu...og hvort haldið þið að við höfum valið, neibbb ekki rétt því auðvitað tókum við æfingu og það er ekki gaman að segja frá því að við fórum út að hlaupa og ég var tekin í bakaríið!!!
Kvöldið var yndislegt, frábær félagsskapur og maturinn frábært. Mikið var skrafað og hlegið. Gummi, Gunný, Inga Jóna og Kristján gáfu mér gjöf sem var bók sem heitir ,,Fær í flestan sjó,, (alveg eins og mér líður núna tíhí) og svo Liljur (uppáhalds blómin mín). Hlakka til að fara að glugga í bókina og njóta ilmsins frá Liljunum...

Er afskaplega sátt að með daginn og þið öll sem hringduð og senduð til hamingju sms takk takk takk

Ætla að fara að drífa mig í bólið...líður pínu eins og sprunginni blöðru! Verð að vera spræk á morgun....allt að gerast! Segi betur frá því síðar.

Yfir og út, Jóhannsdóttir

p.s. Sá þetta á heimasíðu Brims hf enda er mikið búið að ræða þetta undanfarna daga, varð að koma þessu á framfæri!

Guðmundur í Nesi kom inn til löndunar árla í morgun (02.05.2008 ) með metaflaverðmæti sem nema liðlega 141 milljón. Túrinn var 30 daga túr, höfn í höfn og hefur skipið aldrei áður komið með slík verðmæti heim allt frá því það kom til landsins árið 2004. Tilefni er til að óska áhöfn Kristjáns Guðmundssonar til hamingju en heyrst hefur á gárungum að hér sé rómað heilsuátak skipverja þegar byrjað að skila sér.

Ég vissi að þetta mundi skila sér

Já þá er víst kominn 14. maí!!! Nú er komið að því að verja blessaða ritgerðina mína... Úfff ég verð að viðurkenna að ég er að farast úr stressi engin matarlyst, ógleði og skjálfti!!!)  Nanna, allt sem ég sagði í gær um að ég væri bara alls ekkert stressuð og væri bara hipp og kúl fyrir þessa vörn er flogið út í veður og vind... Vona bara svo innilega að kúlið komi til mín rétt fyrir þrjú í dag...þarf virkilega á því að halda þó ekki væri nema til fimm í dag

...kveðja Sonja verðandi ,,Meistari í Íþrótta- og heilsufræðum,, ef allt gengur vel í dag...